Vice Ganda sa Laugh-a-Minute na Girl, Boy, Bakla, Tomboy MMFF Entry

Laugh a Minute ang tawag ni Direk Wenn Deramas sa pelikula niyang Girl, Boy, Bakla, Tomboy staring Vice Ganda na entry ng Star Cinema and Viva Films sa darating na MMFF 2013.

Sa trailer na napanood namin last Saturday noong nanood kami ng Call Center Girl, laugh trip nga ang bawat eksena ng kabaliwan, kalokahan at kagagahan ng apat na karakter na ginagampanan ni Vice sa pelikula.

Imagine na si Vice, aakto bilang Girl, Boy, Bakla ( kakaibang beki acting siya sa pelikula ayon sa kuwento ni Direk Wenn) at ang pagiging Tomboy ni Vice sa pelikula ang isa sa mga karakter na hirap siyang iarte.

Pero naalalayan naman siya ni Direk Wenn para hindi maging O.A. si Vice sa mga karakter na ginagampanan niya.

For the first time in Philippine Cinema, ito yata ang kauna-unahang pelikula kung saan ang bida, ay apat ang karakter na ginagampanan which para sa amin ay mahirap lalo pa’t sa isang shooting day ay paiba-iba ang karakter na ginagampana ng komedyante.

 

Sa pelikula, makakasama niya si Maricel Soriano, Joey Marquez, Ejay Falcon, Kiray Celis at si Ruffa Gutierrez.