Gov. ER Ejercito Suportado ng mga taga-Laguna

Hindi gusto ng mga taga-Laguna ang planong pagapapatalsik sa mahal nilang Punong Panlalawigan na si Gov. ER Ejercito sa isyu ng COMELEC laban sa kanya.

Granting na may discrepancy sa nai-file na SOCE ( Statement of Contributions and Expenditures) sa nakaraang eleksyon noong May at may kakulangan man sa mga papeles na naisumite si Laguna Governor ER Ejercito bakit nauuna pa ang publicity kaysa sa pakikipag-usap o’ i-follow up sa opisina niya ang mga important documents na kailangan ng COMELEC?

 Ayon kay Gov. ER sa halos limang termino niya ng paglilingkod sa taumbayan ng  Laguna bilang opisyal ng gobyerno, tumatalima siya sa patakaran ng ahensiya.

 Sabi ng isang taga-Laguna sa amin sa pamamagitan ng email: “Dirty tactics na naman ito ng kampo ng kalaban. Ngayon pa na may pelikula si Gov. ER na “Shoot to Kill: Boy Golden” hindi maiiwasan na naiintriga siya. Makikisawsaw sila sa kaguluhan sa showbiz at isasabay pa ang ganitong mga issues, “ depensa nito sa kanyang Gobernador.

Dagdag pa nito sa kanyang  sintimiento:” Di ba si Kris Aquino at Bimby may pelikula na makakalaban ng pelikula ng kapatid at pamangkin ni Pnoy, hindi kaya black propaganda ito sa pelikula ni Gob?”

Bukod kay Gov. ER, maging si Batangas Gov. Vilma Santos-Recto ay kinu-kuwestyun din ng COMELEC sa kanyang SOCE.

Juluis Babao at Tintin Bersola Muling Ikinasal

Parang kailan lang, naka-sampung taon na ang mag-asawang Julius Babao at Tintin Bersola. na yesterday nag-renew ng kanilang marriage vows (Saturday- December 14, 2013) sa Silangan Gardens Gallery and this time ay katuwang na ang dalawa nilang mga tsikiting sa misa na idinaos ni Bishop Raul Martinez na siya din nag officiated ng con-celebrated  wedding mass ng dalawa noong December 8, 2003.

Plano ko na dumalo sa kasal nina Mamu Tin at Papu Julius noon. Invited ako personally ni Mamu Tin na kasama ko noon sa Cinema One News kung saan  host siya ng show.

Pinahiram na ako ng magarang barong tagalog ng kaibigang Frederick Peralta sa "Filipina" motiff ng kasal na isinagawa sa isang art gallery sa may bandang Antipolo.

Ang ending, hindi ako dumalo. Hindi kasi ako sanay dumalo sa isang okasyon na naka-pormal. Pakiwari ko, mangangati ang katawan ko sa isusuot kong barong or suit kahit ang dami kong mga kaibigang designers ang magpapahiram sa akin ng outfit for any formal occasions.

 Pero mas nauna yata ang 2nd honeymoon ng dalawa na bumiyahe pa sa ibang bansa bago ang 2nd kasalan ng dalawa kahapon.

Anyway, Congrats kina Julius at Tintin and more... more years of happy marriage to come!!!